FREE ( အခမဲ့)ဆိုတာမထည့်နိုင်သေးသော်လည်း..... ~ Funeral Services Society (Mae Sod) နာရေးကူညီမှုအသင်း(မဲဆောက်)

စက်တင်ဘာ ၁၈ ရက်နေ့က မဲဆောက်မှ ကက်ပီပန်းသွားတဲ့လမ်းမကြီးဘေး၊ တရုတ်စာသင်ကျောင်းအနီးမှာရှိတဲ့ KS သိုးမွှေးစက်ရုံအနီးတန်းလျားတွင် နေထိုင်သောနာရေးတခုက ကျနော်တို့နာရေးကူညီမှုအသင်း (မဲဆောက်) ကို အကူအညီ တောင်းခံလာပါတယ်။ ကျနော်တို့အဖွဲ့တွေ ချက်ချင်းရောက်သွားခဲ့ပါတယ်။ သေဆုံးသူဟာ အသက် ၃၇ နှစ်အရွယ်ရှိတဲ့ ကိုမြင့်ဌေးဆိုသူဖြစ်ပါတယ်။ သူဟာမြန်မာပြည်မှာတုန်းကမန္တလေးတိုင်း၊ မန္တလေးတောင်ရပ်ကွက်မှာ နေထိုင်ခဲ့သူဖြစ်ပြီး မဲဆောက်မှာ လက်သမားအလုပ်လုပ်ပါတယ်။ သေဆုံးချိန်မှာ ဇနီးနဲ့အသက်၂ နှစ်အရွယ် သမီးလေးတဦး ကျန်ရစ်ခဲ့ပါတယ်။ ဇနီးသည်ရဲ့ မိခင်အိုကြီးလည်းတွေ့ခဲ့ပါတယ်။ ကိုမြင့်ဌေးဟာ အိမ်ထောင်ဦးစီး တယောက်အနေနဲ့ မိသားစုကိုရှာဖွေကျွေးခဲ့ပါတယ်။ ကိုမြင့်ဌေးနေမကောင်းဖြစ်တဲ့အချိန် အလုပ်မဆင်းနိုင်တာ၊ ဆေးကုရတာတွေနဲ့ မိသားစုမှာလဲဒုက္ခရောက်ခဲ့ရပါတယ်။

သေဆုံးတဲ့နေ့ဟာ စနေနေ့ဖြစ်နေတော့ ကျနော်တို့အသင်းကို အခေါင်းအလှူပေးနေတဲ့ တရုတ်ဘုံကျောင်းရှေ့မှာ ဈေးပွဲတော်ရှိနေတဲ့အတွက် အခေါင်းထုတ်လို့ မရခဲ့ပါဘူး။ ဘုန်းကြီးကျောင်းကလည်း ရေခဲသေတ္တာမရှိတော့ အခေါင်းကို အပြင်မှာ ချက်ချင်းဝယ်လိုက်ရပါတယ်။ ဈေးအနဲဆုံး အခေါင်းတောင် ဘတ် ၁၇၀၀ ပေးလိုက်ရပါတယ်။ ကိုမြင့်ဌေးရဲ့အပေါင်း အသင်းတွေရဲ့ အကူအညီနဲ့ နာရေးကူညီမှုအသင်းရဲ့ အကူအညီပေါင်းပြီးနာရေးကိစ္စကို စက်တင်ဘာ ၂၀ ရက်နေ့က ကောင်းမွန်စွာ သင်္ဂြိုလ် ပေးနိုင်ခဲ့ပါတယ်။ ကျန်ရစ်သူဇနီးသည်နဲ့ လူမမယ်ကလေး၊ အဘွားအိုတို့ ဘယ်လိုခရီးဆက်သွား ကြမယ်ဆိုတာ စိတ်မကောင်းစွာ တွေးမိခဲ့ပါတယ်။
ကိုမြင့်ဌေးရဲ့နာရေးနဲ့တချိန်တည်းမှာပဲ နောင်ဘွားမှာနာရေးတခုဖြစ်လို့ အသင်းကို အကူအညီ တောင်းလာပါ တယ်။ သူတို့ကတော့ အစစအရာရာ အကူအညီမလိုဘဲ အခေါင်းအတွက်ပဲ အကူအညီတောင်းခဲ့လို့ နာရေးအသင်းက အခေါင်းသွား ပို့ခဲ့ရပါတယ်။
စက်တင်ဘာ၂၀ရက်နေ့ နေ့လည် ကိုမြင့်ဌေးအလောင်း မြေကျပြီးရုံပဲရှိပါသေးတယ်။ မယ်တော်ဆေးခန်းမှာနာရေး တခုဖြစ်လို့ ကျနော်တို့နာရေးကူညီမှုအသင်း( မဲဆောက်)ကို အကူအညီတောင်းခဲ့ပါတယ်။ ကျနော်တို့အဖွဲ့တွေလည်း ချက်ချင်းဆိုသလို အရောက်သွားခဲ့ပါတယ်။ ဟိုရောက်တော့ သေဆုံးတဲ့သူက ကိုသိန်းဇော်၊ အသက် ( ၄၃ ) နှစ်ပါ။ မြန်မာပြည် ဖြူးမှာနေပါတယ်။ ကျနော်တို့ရောက်သွားတဲ့အချိန်မှာ သေဆုံးသူရဲ့အမကြီးနဲ့ သေဆုံးသူရဲ့မိန်းမဖက်က ညီအမတော်သူ နှစ်ယောက်ပဲရှိပါတယ်။ အလောင်းကောင်းမွန်စွာ မြေကျရေးအတွက် သူတို့ဘယ်ကိုအကူအညီတောင်းပြီး ဘာတွေလုပ်ရမယ်မသိဖြစ်နေလို့ မဲဆောက်မှာနေပြီး ကျနော်တို့အဖွဲ့ကို သိနေတဲ့ အမတယောက်က ဖုန်းဆက်ပေးခဲ့တာပါ။ သူ့ကိုလည်း တွေ့ခဲ့ရပါတယ်။ အာလုံးပေါင်းမှာနာရေးရှင်က ၂ ယောက်တည်းပါ။

သေဆုံးသူရဲ့အမျိုးသမီးက ဘန်ကောက်မှာအလုပ်လုပ် နေပါတယ်။ မလာနိုင်ပါဘူး။ ကျတော်တို့ကိုပဲ အပ်ပါတယ်ဆိုပြီး ဖုန်းအဆက်အသွယ်ပဲ ရပါတယ်။ မြန်မာပြည်ကနေလူနာ လာစောင့်ပေးရတဲ့ အမဖြစ်သူကလည်း ပြန်စရာတောင် လမ်းစားရိတ်မရှိတော့ဘူးတဲ့။ အဲဒါနဲ့ပဲ နာရေးကာယကံရှင်တွေရဲ့ ဆန္ဒအရချက်ချင်းသင်္ဂြိုလ်ဖို့လုပ်ရပါတော့တယ်။ ညနေ ၅ နာရီလောက်ဖြစ်နေပါပြီ။ ကျနော်တို့လည်း မသာကို ရေမိုးချိုးပေးပြီး အခေါင်းသွားယူ ကားငှါးပြီးချက်ချင်းပဲ ထေ့စဖန်းသင်္ချိုင်းမှာ မီးသဂြိင်္ုလ်ပေးလိုက်ရပါတယ်။
ကျနော်တို့နာရေးကူညီမှုအသင်း (မဲဆောက်) ဟာစတင်ဖွဲ့စည်းစဉ် ကတည်းက မြန်မာပြည်သားတွေနာရေးကိစ္စ ဖြစ်ပေါ်လာရင် အကူအညီလိုအပ်ပါက မိမိတို့တတ်နိုင်တဲ့ဘက်က တတ်နိုင်သလောက်အကူအညီပေးမယ် ဆိုပြီးဖွဲ့စည်းဖြစ် ခဲ့တာပါ။ ပါဝင်တဲ့လူမှုရေးအဖွဲ့တွေ၊ လူပုဂ္ဂိုလ်တွေ တတ်နိုင်သလောက်စုထည့်ကြပြီး ထူထောင်ခဲ့တဲ့အဖွဲ့ဖြစ်ပါတယ်။ အဲဒီလို ထည့်ဝင်တာနဲ့မလောက်လို့ ပတ်သက်ရာပတ်သက်ကြောင်း၊ နီးစပ်ရာတွေမှာလည်း အလှူခံခဲ့ပါသေးတယ်။ ကျနော်တို့ ဘလော့မှာလည်း အလှူရှင်စာရင်းတွေကို ထည့်သွင်းဖေါ်ပြပေးထားပါတယ်။
ကျနော်တို့အသင်းနံမည်ကိုက Funeral Services Society ( Maesod) ပါ။ ရှေ့မှာ Free ဆိုတဲ့ စာလုံးမထည့်နိုင် သေးပါဘူး။ ကျနော်တို့လည်းထည့်ချင်ပါတယ်။ နာရေးကိစ္စတခုဖြစ်ပြီဆိုရင် နာရေးရှင်တွေ ဘာမှမပူပင်ရအောင် အစအဆုံး လုပ်ပေးချင်ပါတယ်။ ကျန်ခဲ့တဲ့မိသားစုအတွက် လည်းကူညီချင်ပါတယ်။ လက်ရှိအနေအထားမှာလည်း ဘယ်လိုမှမတတ်နိုင်တဲ့ နာရေးမျိုးဆိုရင် ကျနော်တို့ဖြစ်တဲ့နည်းနဲ့ မဖြစ်ဖြစ်အောင်ကူညီပေးပါတယ်။
အဲဒီလိုအခက်အခဲတွေကြားက စိတ်ဓါတ်တခုနဲ့အလုပ်လုပ်နေကြတဲ့ ကျနော်တို့အဖွဲ့လေးကို နာရေးရှင်များနှင့် တကွ အခြားသူများလည်း နားလည်မှုပေးနိုင်ပါလိမ့်မည်ဟု မျှော်လင့်ပါတယ်။

နာရေးကူညီမှုအသင်း ( မဲဆောက် )