ရေကြည်ရာမြက်နုသော်လည်း

မနေ့က ကားပေါ်ကကျပြီးအသက်ဆုံးရှုံးခဲ့ရသူ မရီရီအေး ၏ ဈာပနကိုဒီနေ့ မွန်းလွဲ တစ်နာရီခွဲအချိန်မှာ ကွယ်လွန်သူရဲ့အစ်ကို၊ ဆွေမျိုးများနဲ့စက်ရုံသူစက်ရုံသားများ လိုက်ပါပို့ဆောင်ခဲ့ကြပါတယ်၊ အဲဒီမတိုင်မီ နေ့လည် ၁၂ နာရီအချိန်မှာလဲ မောင်စိုးလင်းထွန်း ရဲ့ဈာပနကို ဘန်းနူရာ သုဿာန်မှာ သဂြိင်္ိုလ်ပေးခဲ့ရပါတယ်၊




ဓလေ့ထုံးစံအတိုင်းဆောင်ရွက်ပြီးတဲ့အခါမှာ ဘုန်းကြီးတွေကမန်းကတန်း ပြန်ပို့ကြပြီးတောရကျောင်းမှာရှိတဲ့ နောက်နာရေးတစ်ခုဆီပြေးခဲ့ရတာပေါ့။ အဲဒါက မရီရီအေး၊ ကျွန်တော်တို့ရောက်သွားတော့ ကျောင်းဝင်းထဲမှာ လူအပြည့်ပဲ၊ စက်ရုံလုပ်သားတွေ၊ မရီရီအေးရဲ့လုပ်ဖော်ကိုင်ဖက်ရောင်းရင်းတွေပေါ့၊ သူတို့အလုပ်ရှင်က အလုပ်ပိတ်ပေးပြီး သွားလေသူရဲ့
နောက်ဆုံးခရီးကို ပို့ဆောင်စေခဲ့တာပါ၊ ထိုင်းလူမျိုးစက်ရုံဝန်ထမ်းများ၊ မန်နေဂျာများနှင့်စက်ရုံတာဝန်ခံများပါ
လိုက်ပါပို့ဆောင်ကြပါတယ်။
အလုပ်ရှင်သူဌေးရဲ့ညီ ဖီးမစ် နဲ့ ညီမ ဖီးနစ်တို့က လိုအပ်တာတွေကိုစီမံပေးကြပါတယ်။






လုိုက်ပါပို့ဆောင်ကြတဲ့လူတန်းကြီးဟာ ထေ့ဇဘန်း သုဿာန်ကိုသွားတဲ့လမ်းမှာ ထင်းထင်းကြီးရှိနေပါတယ်၊








သူတို့စက်ရုံလုပ်သားတွေ အနည်းဆုံး ၈၀၀ ကျော်လောက်တော့ရှိမယ်၊ရွာကမိတ်ဆွေများနဲ့ကျွန်တော်တို့လူမှုရေးအဖွဲ့များ၊
ယောဂီအဖွဲ့များနဲ့ ဆိုရင်တော့မနည်းတော့ဘူးပေါ့ဗျာ၊ မီးသဂြိင်္ိုလ်ခါနီး အမိန့်စာပြန်တဲ့အချိန်မှာလူတော်တော်များများငိုကြတော့
ကျွန်တော်တို့တွေတောင် မျက်ရည်ဝဲမိကြတယ်ဗျာ၊


ထိုင်းလူမျိုးစက်ရုံတာဝန်ခံတစ်ယောက်က ကျန်ရစ်သူမိသားစု ကိုအလှူငွေကူချင်ပါတယ်ဆိုတော့ မရီရီအေးရဲ့အစ်ကိုဖြစ်သူ ကိုလွင်ဦး ကိုခေါ်ပြီး တွေ့ဆုံပေးလိုက်ပါတယ်။ အားလုံး ၄ ဦးပေါ့။ လှူကြပါတယ်၊ ကိုလွင်ဦးက လက်ခံပြီး
ကျေးဇူးတင်ရှိကြောင်းနဲ့ သူ့ညီမရဲ့ဈာပနကိုယခုကဲ့သို့ ခမ်းခမ်းနားနား ဖြစ်အောင် လိုလေသေးမရှိအောင် ဆောင်ရွက်ပေးကြတဲ့
အတွက် နာရေးကူညီမှုအသင်းနှင့်အားလုံးသော တာဝန်ရှိသူများကိုအထူးပဲ ကျေးဇူးတင်ရှိပါတယ်လို့ပြောခဲ့ပါတယ်၊
ဖီးနစ်ကလဲ ရက်လည်ဆွမ်းကပ်တဲ့နေ့မှာ အစစ တာဝန်ယူဆောင်ရွက်ပေးသွားပါ့မယ် လို့ပြောတယ်။ စက်ရုံကမြန်မာလူမျိုးတာဝန်ခံ
တစ်ယောက်ဖြစ်တဲ့ကိုမိုးကလည်း နာရေးကိစ္စအားလုံးပြီးဆုံးတဲ့အထိ ဂရုတစိုက်ဆောင် ရွက်ပေးပါ့မယ်လို့ ပြောကြားသွားပါတယ်။
ကျွန်တော်တို့မြန်မာပြည်သား ရွှေ့ပြောင်းအလုပ်သမားများ သေဆုံးကြပြီဆိုရင် ပိုက်ဆံရှိတဲ့သူကလည်း မလုပ်တတ် မကိုင်တတ် မသွားတတ်မလာတတ်နဲ့ ငွေရေးကြေးရေးကိုလုံးဝမတတ်နိုင်တဲ့သူတွေကလည်း ထိုင်ငိုနေရုံကလွဲပြီး ဘာမှမတတ် နိုင်ကြပါဘူး။ အဲလိုမျိုးအဖြစ်အပျက်တွေကို ကျွန်တော်တို့က ကိုယ်တတ်နိုင်တဲ့အပိုင်းကနေပြီး တစ်ယောက်တစ်အားကူညီကြရင်းက
ပိုမိုပြီးထိထိရောက်ရောက် ကူညီဆောင်ရွက်ပေးနိုင်အောင် ဒီ နာရေးကူညီမှုအသင်း(မဲဆောက်)ကိုစနစ်တစ်ကျ ဖွဲ့စည်းဖြစ်ခဲ့ကြ တာပါ။ အရင်တုန်းက မြန်မာပြည်သားတွေသေဆုံးခဲ့ရင် အသိအမှတ်မပြုတဲ့ ထိုင်းအလုပ်ရှင်တွေဟာအခုအချိန်မှာအများကြီး
အသိအမှတ်ပြုလာကြပါပြီ၊ အဲဒီအတွက်ကျွန်တော်တို့ ကျေနပ်ကြရမှာပါ။ ဒီထက်လဲပိုပြီးတော့ ကျွန်တော်တို့ရွှေ့ပြောင်း
အလုပ်သမားများရဲ့ ရပိုင်ခွင့်တွေ ရရှိလာအောင်ဝိုင်းဝန်း လက်တွဲဆောင်ရွက်ကြရမှာပါ။ ဒီနေ့လိုမျိုးအလုပ်ရှင်က နားလည်မှုရှိပြီးတော့ စားရိတ်စကနဲ့ သွားရေးလာရေးပြည့်စုံအောင် ဆောင်ရွက်ကူညီပေးတဲ့အခါ အလုပ်သမားတွေအတွက် မြန်မာပြည်သားများအတွက် များစွာအကျိုးထူးများရရှိပါတယ်။ ဒါကြောင့်လဲ အင်မတန်မှစိတ်ကောင်းနှလုံးကောင်းရှိကြတဲ့ E K စက်ရုံပိုင်ရှင် ဖီးနောင်နှင့်တစ်ကွ ဖီးမစ်၊ ဖီးနစ်နှင့်စက်ရုံမှတာဝန်ရှိသူ ထိုင်းလူမျိုးများအားလုံးကို ကျန်ရစ်သူမိသားစုနှင့်
မြန်မာရွှေ့ပြောင်းအလုပ်သမားများကိုယ်စား နာရေးကူညီမှုအသင်း(မဲဆောက်)မှအထူးပဲကျေးဇူးတင်ရှိပါကြောင်းနှင့် Mr.AmNart NanTaHarn ဆိုတဲ့ ဖီးနောင် ပိုင်ဆိုင်သမျှလုပ်ငန်းအားလုံး အဆင်ပြေချောမွေ့အောင်မြင်ပါစေ
မိမိဝန်ထမ်း၊ အလုပ်သမားများရဲ့ အကျိုးများကိုလည်း ဒီထက်မက ဆောင်ရွက်နိုင်ပါစေလို့ ဆန္ဒပြုရင်း..........

မောင်မင်း

Posted in: