Tuesday, August 16, 2011

သိကြားစေ သက်သေညွှန်း----------------

သံတူကြောင်းကွဲ ဝေဒနာမျိုးစုံနဲ့ တိုင်းတပါးမှာ အသက်မွေးဝမ်းကျောင်း နေကြရတဲ့ မြန်မာပြည်သားတွေ အတွက် လက်လှမ်းမီသလောက် တတ်နိုင်သလို ကူညီကြဖို့ဆိုတဲ့ ဆန္ဒကနေ မွေးဖွားလာခဲ့တဲ့ နာရေးကူညီမှုအသင်း(မဲဆောက်)တောင် တစ်နှစ်သားကျော်လာခဲ့ပြီ။ လူသားကလေးငယ်တဦး ဆိုရင်တော့ ဟန်ချက်မခိုင့်တခိုင် စမ်းလျောက်ရင်း မပီကလာ ပီကလာနဲ့ ချစ်စရာ့အရွယ်ပေါ့။ ဒါပေမယ့်အများပြောလေ့ ရှိသလို ဖွံ့တော့ဖွံ့ပါရဲ့၊ ချစ်မွေးမပါဘူး ဆိုသလိုများ ဖြစ်နေလေရော့သလား။ စေတနာ အရင်းခံတွေကြားထဲကို ဝေဒနာ ကွက်ကြားမိုးတွေရွာနေတုန်း။ သြော်----သူတို့ မသိလို့ပြောကြတာ နေမှာပေါ့လို့ သည်းခံခဲ့ပေမယ့် ဟုတ်နေလို့မပြောတာဆိုတဲ့အထိ မရောက်ခင် ဒီပို့စ်ကို ရေးဖြစ်တာပါ။
 23/07/2011 နေ့မနက် တွဲဘက်အတွင်းရေးမှူးဆီက ဖုန်းလာတယ်။ ကျွန်တော် ကြောက်ကြောက်လန့်လန့်နဲ့ မကိုင်မဖြစ်ကိုင်ရတဲ့ဖုန်းတွေထဲမှာ သူလဲပါတယ်။ ဘာဖြစ်လို့ လုပ်ဖေါ်ကိုင်ဖက် အချင်းချင်း ကြောက်ရသလဲဆိုတော့ အသင်းရဲ့ ဘဏ္ဍာရေးကျပ်တည်း ချိန်မျိုးမှာ သူခေါ်လာရင် "အကိုရေ- နာရေးတခုရှိနေလို့" က စတာများလို့။ အဖွဲ့ထဲမှာ လှစ်ကနဲဆိုသူက စိတ်မြန်လူမြန်ဆိုတော့ နာရေးဖြစ်တဲ့ဆီကို သူ အရင်ရောက်တတ်တယ်။ စကားပြော အဆီအငေါ်မတည့်လို့ တဖွဲ့လုံးက တိုးတိုးတိတ်တိတ်ရော ကျယ်ကျယ်လောင်လောင်ပါ သတိပေးနေရတာလဲ သူပဲ။ ဆိုတော့ သူ့ဖုန်းများဝင်လာရင် နာရေးလား၊ ပြဿနာတက်လို့လား ရင်တထိတ်ထိတ်။ နာချင်းကတော့ တူတူပါပဲ။ တခါတလေတော့လဲ အလှူငွေလက်ခံရလို့ ဘလော့ဂ်ပေါ်တင်ပေးပါအုံးဆိုတဲ့ ပီယဝါစာလေးတွေလဲ ရှိပါရဲ့။ ထားပါတော့လေ--- ဒါနဲ့ ဖုန်းကိုင်လိုက်တော့ ထုံးစံအတိုင်း "အကိုရေ- ဖိဝစ်(နာရေးကူညီမှုအသင်းကို အကူအညီအများကြီးပေးနေတဲ့ ထိုင်းလူမျိုး ဆေးရုံဝန်ထမ်း)ကို ဖုန်းဆက်ပြီး မယ်ပက ဘုန်းကြီးကျောင်းကို ခေါင်းတလုံး လာပို့ခိုင်းပါ" တဲ့။ အဲဒီကိစ္စစီစဉ်ပြီးလို့ နောက်တနာရီလောက်မှာ လာပြန်ပါပြီ နောက်တခေါက်။ မင်းအခုဘယ်ရောက်နေလဲဆိုတော့ "ဆေးရုံကြီးမှာ မိသားစုဝင်တွေနဲ့ တွေ့ဖို့စောင့်နေတယ်၊ အကြောင်းထူးရင် ထပ်ဆက်မယ်၊ ဖုန်းမပိတ်ထားနဲ့ဦး။" အိုကေ ဆိုပြီး ဘဏ္ဍာရေးလှမ်းမေးတော့ လက်ကျန်က ဘုရားစူး ထောင်ဂဏန်း(၁၁၀၀ ဘတ် လား မမှတ်မိတော့)။ နောက်တကြိမ်ဖုန်းအလာ စောစောက အလုံးကြီးကျသွားတယ်။ သူတို့ဘာသာစီစဉ်နိုင်တယ်တဲ့။ ဒါဆိုလဲ ထပ်အိုကေရပြန်တာပေါ့။ ညနေ သုံးနာရီလောက်ကျတော့ miss call ပေးလာတယ်။ ပြန်ခေါ်လိုက်တော့ "အကို အခုချက်ချင်းထွက်ခဲ့ပါ။ တောရကျောင်းက ဘုန်းကြီးတွေ ဝင်ပင့်ခဲ့ပါ၊ ဖိဝစ်ကို ခေါင်းသယ်လာခိုင်းပါ၊ ဆရာပုတော့ လက်ကျန်ငွေ အကုန်ယူပြီးလာနေပြီ၊ စောင်ခွဲစောင်ရပ်ကွက်ထဲက နာရေးအိမ်မှာ ကျွန်တော် စောင့်နေတယ်။ နာရေးရှင်နဲ့ အိမ်နီးနားချင်းစုစုပေါင်းမှ ဘတ်၉၀၀ ပဲရှိတယ်။ နေ့ချင်းပြီး သင်္ဂြိုလ်မယ်၊ ကျွန်တော့ဖုန်းမှာလဲ ပိုက်ဆံမရှိတော့ဘူး၊ miss call ပေးရင် ပြန်ခေါ်နော်၊ ခပ်မြန်မြန်လာခဲ့ဦး" တောက်လျောက်ပြောသွားလိုက်တာ ကျွန်တော် ပြန်ပြောလိုက်နိုင် တာက ဟဲလိုနဲ့ တတိယမ္ပိ အိုကေ နှစ်လုံးပါပဲ။ ဒါနဲ့ ထိုင်းလူမျိုး သူငယ်ချင်း ဖိနိမ် ရဲ့ ကားကိုအကူအညီတောင်းပြီး တောရကျောင်းမှာ ဘုန်းကြီးသုံးပါးပင့်၊ ကြေးစည်နဲ့ ကန်တော့ပွဲတွေယူ၊ သူ့ဆီကိုဖုန်းပြန်ဆက်ပြီး လမ်းညွှန်ခိုင်း၊ ၄ နာရီကျော်မှ နာရေးဖြစ်တဲ့ဆီ ရောက်တော့တယ်။ အိမ်မှာပဲ သရဏဂုံတင် တရားနာပြီး ညနေ ငါးနာရီခွဲလောက်မှာ ဝပ်ဒုံကဲရော့ သုဿန်ကို ပို့ဆောင် သင်္ဂြိုလ်ပေးခဲ့ရပါတယ်။ အကြွေး ၁၀၀၀ ဘတ် တင်တာကလွဲလို့ အားလုံး အိုကေ။ နောက်နေ့ မယ်ပက နာရေးကိုတော့ ကျွန်တော်မအားလို့ မလိုက်ဖြစ်တော့ဘူး။ အချက်အလက်နဲ့ ဓာတ်ပုံတွေ ပို့ပေးလိုက်လို့ပဲမှာလိုက်တယ်။ ညနေပိုင်းမှာ ပြန်ကြားရေးက ပုဂ္ဂိုလ်တွေ မအားလပ်ရင် နာရေးစာရင်းဘလော့ဂ်မှာ တင်ပေးမယ်လို့ Net Sim မှာ ဘတ် ၁၀၀ ထည့်ပြီး အွန်လိုင်းတက်ကြည့်လိုက်တော့၊ ----အသံတွေ ကြားနေရတယ်။ ဘလော့ဂ်တစ်ခုရဲ့ စီဘောက်ထဲမှာ----မဲဆောက်က ကုသိုလ်ဖြစ် မသာချတဲ့အသင်းကြီးက မယ်ပက အဖွားအို အသုဘကို ဘတ်ငွေ ၇၀၀၀ တောင်းသွားသတဲ့-----။ ဒီတခါ ကျွန်တော်ဆက်တဲ့အလှည့် "ကဲ--ဘာတွေဖြစ်ကုန်တာလဲ" ဆိုတော့ သူတို့မိသားစုတွေက ဝတ်ရွတ်အသင်းကို ညပိုင်းရော သင်္ဂြိုလ်မယ့် နေ့လည်ပါ ဖိတ်တယ်။ ဝတ်ရွတ်အသင်း အသွားအပြန်ကားခ၊ ခေါင်းယူပေးတဲ့ ဖိဝစ်ကို ပေးတဲ့ကားခ စုစုပေါင်း ကျွန်တော့လက်နဲ့ကိုင်မိတာ ၃၀၀၀ ပါ အကိုရယ်တဲ့။ အဲလိုမျိုးဆို FSS(MAESOD) ချစ်မွေးမပါပုံများ။ ဒါကတစ်ခု။

11/08/2011 မနက် ၁၁ နာရီလောက်ဖုန်းခေါ်လာတယ်။ "ကျွန်တော် ကျောင်းသားဆေးခန်းမှာ နာရေးရှင်ကိုစောင့်နေတယ်၊ ဖိဝစ်ကို ဖုန်းဆက်ပြီး ကားလွှတ်ပေးပါ။ ဘုန်းကြီးတပါး ပျံတော်မူတယ်။ ဗမာပြည်ဘက်က ဆေးလာကုရင်းနဲ့၊ ကျောင်းကြီးမှာထားဖို့ ဂေါပကကိုလဲ အကြောင်းပေးပါ၊ ကျွန်တော်က နေ့လည် ၁နာရီမှာ အလုပ်ရှိတယ်၊ မအားဘူး" ဆိုတော့ တခါတလေ ထိုင်းဘာသာစကား တတ်ထားမိတာကိုဘဲ နောင်တရ ရတော့မလို။ ဒါနဲ့ ဖုန်းတွေလိုက်ဆက် အစီအစဉ်တွေ အားလုံးပြီးလို့ အလောင်းသယ်ဖို့ ယာဉ်လွှတ်လိုက်တော့မှ သူ့ဆီက ဖုန်းပြန်ခေါ်လာတယ်။ "အကိုရေ-- အလောင်းမရှိတော့ဘူး" ဘာဖြစ်လို့လဲ အသေထွက်ထွက်သွားလို့လားဆိုတော့ "ကျောင်းသားဆေးခန်းက ပိုင်ရှင်မဲ့အလောင်းကောက်ကား ၁၀ နာရီက သယ်သွားပြီ" တဲ့၊ ဒါကြောင့် နာရေးရှင် မလာတော့တာကိုး---အေးရော--- ၉ရက်နေ့တည်းက တုပ်ကွေးမိပြီး ဒီနေ့မှ နာလန်ထတဲ့ ကျွန်တော် သေချင်စိတ်ပေါက်သွားတယ်။ အေး မင်းအခု ကျောင်းကြီးကိုသွား ဂေါပကကို သွားတောင်းပန်၊ ဇရပ်အတွက် အလှူငွေထည့်ခဲ့၊ ကျန်တာတွေ ငါကြည့်ရှင်းမယ်၊ အခုမြန်မြန်သွားလို့ ငေါက်လိုက်မိတဲ့အထိ---

အစပိုင်းတုန်းက ရေးခဲ့သလို မသိလို့ပြောကြတာနေမှာပါလို့ ဆင်ဝှေ့ရန်ရှောင်လုပ်လို့မဖြစ်တော့ဘူး။ တနှစ်ကျော်လာပြီ။ နဲနဲလေး မက လွဲနေတယ်။ ဘာကြောင့်လဲ။ ကျွန်တော်တို့ ပေးတဲ့အချက်အလက်တွေ မပြည့်စုံမလုံလောက်သေးတာပဲ ဖြစ်မယ်။ ဒီတော့ နာရေးတခုမှာ ကုန်ကျစားရိတ်နဲ့ ဆောင်ရွက်မှုအဆင့်ဆင့်ကို ရေးပြပါ့မယ်။ ဖတ်မိသူများကလည်း တဆင့်စကား တဆင့်နားဆိုသလို လက်တို့အကူအညီပေးကြပါ။

နာရေးတခုဖြစ်ပြီဆိုတာနဲ့--

ကုန်ကျစားရိတ်က

၁။ ဆေးရုံ(သို့မဟုတ်) သေဆုံးသောနေရာမှ အလောင်းကို ဘုန်းကြီးကျောင်းသို့/ ဘုန်းကြီးကျောင်းမှ သုဿန်သို့လည်းကောင်း၊ တရုပ်ဘုံကျောင်း သို့မဟုတ် ခေါင်းဆိုင်မှ ခေါင်းကို သေဆုံးသည့်နေရာသို့ ပို့ဆောင်ပေးသော ကားငှားခ ၁၅၀၀ ဘတ်
၂။ မီးသင်္ဂြိုလ်စားရိတ် ၂၀၀၀ဘတ်
၃။ အသုဘဇရပ် ရေ/မီးစားရိတ် အလှူငွေ တရက် ၃၀၀ မှ ၅၀၀ ဘတ်
၎။ လိုက်ပါပို့ဆောင်မည့် လူစီးယာဉ်များအတွက် တစီး ၃၅၀ ဘတ် မဖြစ်မနေကုန်ကျရမှာ ဖြစ်ပါတယ်။ အခြားဘာသာရေးအရလိုအပ်ချက်တွေ ပေါင်းလိုက်ရင် ၄၀၀၀ ဘတ်မှ ၆၀၀၀ ဘတ်အထိ သုံးစွဲပြီးမှ အသုဘမြေကျပါတယ်။ ကျွန်တော်တို့အသင်းမှာ ပုံမှန်အလှူရှင်အနည်းငယ်သာ ရှိပါသေးတယ်။ အသင်းဝင်များထဲမှ တလ ၅၀၀ ဘတ် လှူဒါန်းသူ ၇ ဦးခန့် (ဒါတောင် ပြတ်တောင်းပြတ်တောင်း ကျွန်တော့လိုလူမျိုး ပါသေး)နဲ့ ရပ်တည်နေတာပါ။ ဒါကြောင့် ပိုင်ရှင်မဲ့အလောင်းသင်္ဂြိုလ်ပေးမနိုင်သေးသလို ပိုင်ရှင်ရှိရင်လဲ ဘယ်လောက်အကုန်ခံနိုင်သလဲ မေးရတာပါ။ တကယ်လို့ ပြည်တွင်းမှလာပြီး ဆေးကုရင်း ကွယ်လွန်သူများဆိုရင်တော့ ကျွန်တော်တို့ဘဏ္ဍာရေး ကျွတ်တန်းဝင်သွားတာများပါတယ်။ မဲဆောက်မှာ အလုပ်လုပ်နေသူလဲဖြစ် အသိုင်းအဝိုင်းကလဲ ကူညီရင်တော့ လူပဲစိုက်ရသလို တခါတလေ အလှူငွေပါရတတ်ပါတယ်။ ဒါနဲ့များ ဘာဖြစ်လို့ နာရေးကူညီမှုလို့ အသင်းဖွဲ့ရသလဲဆိုတော့ ကိုယ့်ပတ်သက်ရာအတွင်း သေဖူးသူတွေမေးကြည့်ပါ။ လိုက်သေချင်စိတ်ပေါက်အောင် အောက်ပါအတိုင်း အလုပ်လုပ်ရပါတယ်။

ဆောင်ရွက်ချက်အဆင့်ဆင့်
၁။သေစာရင်းအတည်ပြုချက်ရယူပေးခြင်း
၂။အသုဘရှင်၏အခြေအနေပေါ်မူတည်၍ခေါင်းဝယ်ယူ(သို့)အခမဲ့တောင်းခံပေးခြင်း
၃။နာရေးဖိတ်ကြားလွှာများပြုလုပ်ပေးခြင်း
၎။လိုအပ်ပါကဆွေမျိုးမိတ်သင်္ဂဟများထံသို့အကြောင်းကြားပေးခြင်း
၅။ဈာပနပြုလုပ်မည့် ဘုန်းကြီးကျောင်းနှင့် သဂြိုလ်မည့်သုဿန်သို့ဆက်သွယ် ကူညီဆောင်ရွက် ပေးခြင်း
၆။ဆွေမျိုးမိတ်သင်္ဂဟနည်းပါးသူဖြစ်ပါက မိမိတို့အဖွဲ့ဝင်များမှ ရုပ်အလောင်းထားရှိရာတွင် စောင့်ကြပ် ကူညီပေးခြင်း
၇။ထုံးတမ်းစဉ်လာအရ မဖြစ်မနေဆောင်ရွက်ရမည့်ကိစ္စရပ်များကို ရှင်းပြကူညီဆောင်ရွက်ခြင်း
၈။ရုပ်အလောင်းသယ်ဆောင်မည့်ယာဉ်နှင့် လိုက်ပါပို့ဆောင်မည့်ယာဉ်များရရှိရေး   ကူညီဆောင်ရွက် ပေးခြင်း
၉။ကွယ်လွန်သူ၏မိသားစုဝင်များသည် မြန်မာပြည်တွင်းမှလာရောက်ရသူများဖြစ်ပါက နေရာထိုင်ခင်း နှင့် ခရီးလမ်းအဆင်ပြေစေရန် ကူညီဆောင်ရွက်ပေးခြင်း
၁၀။အကယ်၍ယာဉ်တိုက်မှု၊ခိုက်ရန်ဖြစ်ပွားမှုကဲ့သို့သောနာရေးကိစ္စများတွင် ရသင့်ရထိုက်သော နစ်နာကြေး ရရှိစေရန် သက်ဆိုင်ရာ အဖွဲ့အစည်းများနှင့်ညှိနှိုင်းဆောင်ရွက်ပေးခြင်း စသဖြင့် ဆောင်ရွက်ပေးရပါတယ်။

အဲဒီထဲက နံပါတ် ၁ ကနေ ၅ အထိက နာရီပိုင်းအတွင်းဆောင်ရွက်ရလေ့ရှိပါတယ်။ ဒီကိစ္စတွေအားလုံးပြီးအောင်ဆောင်ရွက်ဖို့ ကျွန်တော်တို့မှာ ဘုန်းတော်ကြီးနှစ်ပါးနှင့် အမြဲလိုလို တခုခုလုပ်နေကြရတဲ့ လူဆယ့်တစ်ယောက်ရှိပါတယ်။ ဘုန်းတော်ကြီးများမှာ နေရာတကာဝင်ပါမရသလို လူတွေကလဲ ၅ ယောက်ဆုံဖို့မနည်းကြိုးစားရလေ့ ရှိပါတယ်။ ဒီကြားထဲမှ ထိုင်းဘာသာစကားပြောနိုင်သူက တဝက်မပြည့်ပါဘူး။ ဒီတော့မျှော်လင့်သလိုမျိုး ဖြစ်လာဖို့ အလွန်ခဲယဉ်းပါတယ်။ ပြည်သူ့စေတနာ့ဝန်ထမ်းအသင်းက အသင်းဝင်တွေကတော့ အမြဲတမ်းလို မျက်နှာမွဲ အသုဘတွေမှာ ကြေးစည်တီး ခေါင်းထမ်း ကားမောင်း ဇရပ်တံမြက်စည်းလှည်း ညစောင့်အိပ် ကြသူများအဖြစ် အလှည့်ကျ တာဝန်ယူလေ့ ရှိပါတယ်။ ပုညကာရီဝတ်ရွတ်အသင်းကလည်း ကျွန်တော်တို့ဆီက ဖုန်းအဆက်အသွယ်ရရင် ယူနီဖောင်းလဲ မှန်ချိုဆေးသောက်ပြီး စောင့်နေကြသူတွေပါ။ လူချည်းမဟုတ်ဘူးနော် ပိုက်ဆံပြတ်နေလို့ အမြင်မတော်ရင် ပါလာတဲ့အထုတ်ဖွင့်ပြီး ရော့ မောင်ဟိုဒင်း ဒါ အဒေါ်တို့ ကုသိုလ်ယူတာတဲ့။ ကျန်းမာကြပါစေ၊ အဆင်လဲပြေကြပါစေ။ အသုဘမြင်ရင် အမင်္ဂလာလို့ အယူသီးသူတွေများတော့ ကျွန်တော်တို့ကလည်း သုဘရာဇာလောက ကျယ်ပြန့်ကြီးပွားများပြားလာရေးကို လော်ဘီမလုပ်လိုကြပါဘူး။ အချိန်ကလဲ မပေးလို့ပါ။ နောက်တကြိမ် ရွေးကောက်ပွဲကျရင်တော့ စည်းရုံးရေးဌာနကို ထည့်သွင်းဖွဲ့စည်းသင့်တယ်လို့ ကျွန်တော်တင်ပြမယ်စဉ်းစားထားပါတယ်။ အခုလဲ အချို့ကပြောပါတယ်။ လူတစ်ယောက်သေတာများ ဘာလို့အဲလောက်ကုန်ကျရသလဲ။ သူတို့အဆက်အသွယ်နဲ့ဆို ၂၅၀၀ ဘတ် လောက်နဲ့ပြီးတယ်လို့ ပြောပါတယ်။ အမြဲတမ်းအဖွဲ့ဝင် အဖြစ်လာဆောင်ရွက်ဖို့ ဖိတ်ခေါ်ပါရစေ။ သူမသာ ကိုယ်မနာ ဖြစ်သွားတာပေါ့။

 ကျွန်တော်တို့အသင်းဝင်ဖြစ်မှ နာရေးလိုင်စင်ရထားတာမဟုတ်တဲ့အတွက် အခြားမည်သူမဆို လွတ်လပ်စွာ ကုသိုလ်ယူနိုင်ကြပါတယ်။ အကြောင်းကြားပြီးတော့ သွားကူကာညီမှ စကားပြောလေးနဲနဲလွဲတာနဲ့ အဆင်မပြေဖြစ်ကြရတာ တွေပါ။ ကျွန်တော်တို့လဲ အသုဘလိုက်ပါပို့ဆောင်သူတွေပါ။ အများထက်ထူးပြီးကုသိုလ်မရကြပါဘူး။ အများအားဖြင့်စိတ်ပန်းကိုယ်ပန်းနဲ့ တရားမနာလိုက်နိုင်ပါဘူး။ ကြေးစည်သံကြားမှ လှေကားခုံထက်က ကျောင်းသားကြီးတွေနဲ့ အတူ သာဓုခေါ်လိုက်ရတာများပါတယ်။ ပို့စ်ရေးတာလဲ နည်းနည်းရှည်သွားပြီ။ နာရေးကူညီမှုအသင်းရဲ့ ဝေဒနာတွေကိုလည်း စောင်းပါးရိပ်ခြည် နားလည်နိုင်ကြပြီဆိုရင်ဖြင့် အိပ်ရေးပျက်ရကျိုးနပ်ပါပြီ။ ကွန်ပြူတာမရှိသူများကိုလဲ ပါးစပ်သတင်းနဲ့ ရှယ်လိုက်ကြပါ။ အသေးစိတ်သိလို လှူဒါန်းလိုပါက အောက်ပါဖုန်းနံပါတ်များကို ဆက်သွယ်မေးမြန်းနိုင်ပါတယ်။
ဆရာပု (087-571-9773)
ကိုရန်မျိုးအောင် (089-641-3454)
ကိုစိုး (089-641-1187)
အရှည်ကြီး (086-933-6470)
ကိုဇော်မင်းနိုင် (083-625-1439)
ကိုသိမ်းဆန်း (083-162-0605)
ကိုသန်းဇော် (085-164-7079)

အလှူရှင်များနှင့်တကွ ဖိဝစ်၊ ဦးခမ်းပါ(ကျောင်းကြီးကျောင်း ဂေါပကအဖွဲ့ဝင်)၊ ဖုန်းဆက်မရလျှင် ကျောင်းထဲအထိသွားရောက်ပင့်ဆောင်ခြင်းခံရသော ဘုန်းတော်ကြီးများ၊ နာရေးကူညီမှုအသင်းမဲဆောက် အသင်းဝင်များ (ကျွန်တော်အပါ အဝင်)၊ သုံးဆယ့်တဘုံကျင်လည်ကုန်သော သတ္တဝါအပေါင်း ကိုယ်စိတ်နှစ်ဖြာ ကျမ်းမာ ချမ်းသာကြပါစေ။ (နာရေးများများ မဖြစ်ပါစေနဲ့)


ရန်မျိုးအောင် (12/08/2011   04:53 hr)

Saturday, August 6, 2011

MAP ရေဒီယိုဌာနမှ တွေ့ဆုံမေးမြန်းချက်များ

နာရေးကူညီမှုအသင်း(မဲဆောက်)ရဲ့အများအကျိုးအတွက်တက်ညီလက်ညီနဲ့ကူညီဆောင်ရွက်နေကြတာကို
လူသတင်းလူချင်းဆောင် ဆိုတဲ့အတိုင်းမဲဆောက်မြို့နေ မြန်မာပြည်သားများတစ်ယောက်နဲ့တစ်ယောက်
ပြောဆိုချီးမွန်း ဝေဖန်သံတွေကြောင့်  MAP RADIO  ဌာနမှလာရောက်တွေ့ဆုံမေးမြန်းထားတဲ့ 
အသံဖိုင်လ်ဖြစ်ပါတယ်



မြန်မာပြည်သားမိတ်ဆွေများအနေဖြင့် နာရေးကူညီမှုအသင်း(မဲဆောက်) ၏ ရည်ရွယ်ချက် ရည်တည်မှု (အသင်း လည်ပတ်မှု) အခက်အခဲ၊ လုပ်ငန်းဆောင်ရွက်မှုအဆင့်ဆင့်လက်ရှိအချိန်ထိ ကူညီထောက်ပံ့သူ 
အလှူရှင် စေတနာရှင်များအခြေအနေနှင့် နာရေးတစ်ခုအတွက် ဆောင်ရွက်ရာတွင် မဖြစ်မနေ သုံးစွဲရတဲ့ 
ငွေကြေး ကိစ္စများကို ဗဟုသုတအနေဖြင့်သိရှိစေရန်အလို့ငှာ နားဆင်နိုင်ရန်အတွက် ဖေါ်ပြပေးထားခြင်းဖြစ်ပါသည်။

Monday, August 1, 2011

ပြိုင်တူတွန်းလျှင် ရွေ့နိုင်သည်။

နာရေးကူညီမှုအသင်း(မဲဆောက်)တွင် ဘဏ္ဍာရေးအခက်အခဲကြောင့် မြန်မာပြည်သားအလုပ်သမားများထံ အလှူခံရန် စာအိတ်များ (24/07/2011) နေ့တွင်စတင်ဖြန့်ဝေခဲ့ပါသည်။ အလှူရှင်များကို နာရေးကူညီမှုအသင်း(မဲဆောက်)မှ အထူးကျေးဇူးတင်ရှိပါသည်။  Type rest of the post here